之前番到hall，已經唔知做乜好，但昨天，回去的有肥雞、肥彥、shareef、peter、ivan、我，感覺真的不同，落去年幾無踏足的podium，感覺有點熟識，後來，大家再踢八達足球，面孔依舊，肥彥話︰「哈哈！好似用了時光機！」，走動了個多小時，已體力不繼，不想認老也不行，但我想fit些，可能我本身好動，現在動起來就有點吃力的感覺真差！時光機令我想起很多三年內發生的事。

番hall的樂趣很簡單，就係同你們這些熟識的人，一齊玩、一齊認真、一齊吹水、一齊做d無聊嘢

係咪年尾特別忙？上年係咁，唔通今年又係咁！每日係咁寫下要做的工作，記得每次完成list上所有的工作，都會超開心，好似成功挑戰自己咁。另外，看見你用日曆好像以前我用schedule般，將要做的事情寫上去，雖然好多事情都係未發生，但最後都會如期發生，令我覺得未來也不是很難預計，因為它決定在我們的手裏。每當見到開心的事情將會發生，心裏自然興奮，也許這也成為我解決困難的原動力。現在，沒有再寫schedule，習慣將要做的事情記在手機裏，重要的當然記在心裏

開心的日子是否會過得特別快？兩個月只是一個開始，就像剛起飛的長途飛機，不知要飛往哪裏，只知道往後還有很多日子；無論怎樣只要珍惜每一日，享受每一日的苦與樂，人生才有意義。很久沒有到過長洲了，以前沒有細心欣賞，今次趁勞動節去行一行，行坐食行坐食行坐食就一日，很開心。車禍真的嚇人，旅遊巴翻側，就奪去十多條生命，我有平安包，應該就代表平安。

難忘的是看見龍舟比賽，真係路過看見，心裏想︰「這是最團結一致的運動」，看見幾十人向著同一目標，共同努力，開始時好像分不出誰快誰慢，漸漸有一隻跑出，真的很感動。

近來少了同和朋友傾計，都係靠msn、xanga知道他們的近況，Ryan仍然是思考有理，大家仍各有各忙，都係gei，要考試了，祝大家勁過！

最開心莫過於聽到大家找工的情況，有人做恆生mt、有人ove有offer、有人考緊督察，睇好你係得ga，未睇過人passing out，好想睇好想睇，你做到，我來睇。

最近不知不覺間肥了，可能太耐無打波了，每天都係時候要做做sit up減減肚腩

這個多月來，很自然的天天也由衷地笑了，笑多了，感覺到生活開始添上了色彩。

漸漸明白對方的想法，喜歡甚麼，不喜歡甚麼，唔知幾時先可以變得心有靈犀一點通？

知道又不做，同唔知唔做無分別！

雖然只是無心之失，但始終未能達成自己的承諾，自己最介懷的，係一些自己有能力做到的事，很簡單卻沒有做到，本來係想俾信心人，而家都係自己破壞番。做錯了，講番之前講過的對不起，顯不出半點誠意，所以由認錯開始作出改變，這就是我決心改變的開始。

其實今次未做得好，好大原因係自己的決心未足夠，以及自己冇想過要達到目標的方法，現在是時候去想想方法。記得以前都有同樣的經驗，明明想做好一樣事，開始時沒有做好，最後都可以做到，今次亦一樣可以做到。上次得把口，空有華麗的言詞，今次我要以行動證明，我會用心記住想做的事。

經一事，長一智，更發覺自己很幸福。